نصايح لجمال شعرك؟انا مجرباها؟
شعرك يحتاج للعناية الدائمة ليحتفظ بصحته وجماله. هذه أربع نصائح تحافظ على حيوية شعرك وجماله.
1- قصي أطراف شعرك بشكل دوري خاصة إذا كنت تستخدمين مجفف الشعر أو المكواة بشكل منتظم. فتعرض الشعر للسخونة يسبب ضعف الشعر وتقصف أطرافه.
2- مشطي شعرك بعناية فتمشيط الشعر خاصة بعد الاستحمام هو أو لطريقة لحمايته من التكسر والتقصف..3إذا كنت تشعرين بتلبك شعرك ووجود عقد استخدمي مشط عريض الأسنان وابدئي بتمشيط الأطراف أولا ثم منتصف الشعر وصولا لفروة الرأس. 4ابتعدي عن الأمشاط المعدنية فهي تسبب كهربة استاتيكية تؤذي الشعر.
بصراحه يابنات النصايح الاربعه دى منقوله عشان تستفيدو
بس الى هقولوا ده بجد نصايح من عندى
دى وصفه انا مجرباها بجد والله
زيت زيتون وتوم اكيد الكل عنده منهم
طبعا ممكن تقولى التوم ريحته مش كويسه
صدقينى كنت بقول كده بس الريحه مع الزيت مش باينه خالص
نص ازازة زيت زيتون صافى مع 5او4 فصوص توم
واضربيهمم مع بعض فالخلاط
وحطيهم فازازه واحتفظى بيها فاى مكان واستعمليه منها اى وقت ممكن تحطيه من الصبح ويفضل فشعرك يوم كامل عادى جداا وكل ماتسبيه فشعرك بيبقه كويس
وياريت مش تحطى على شعرك من برا لالا من جوا وباطراف ايدك ودلكى فروة الشعر بيه
لمدة اسبوع هتلاقى الفرق وتلاحظى بنفسك
انا فاسبوعين شعرى طول ومش قادره اقولك على النعومه بجد تحفه
ولسه ماشيه على الوصفه دى
وسيبك من اى كريمات تانيه وزيوت تنشف الشعر
وكمان فى حمام كريم زيت الحيه ده منه تقليد ومنه الاصلى
عموما التقليد ب25 والاصلى ب45
ياريت تدورى على الاصلى ومش تسترخصى فحاجات الشعر والجسم بالذات
لان التقليد المواد الى فيه بتبهدل الشعر والجسم
بلاش تغسلى شعرك كل يوم يعنى يومين فالاسبوع لان الشعر بيفرز ماده دهنيه بتنعم الشعر لما بتغسليه كل يوم مش بيستفيد منها
بلاش تكتمى شعرك وتشديه لورا جامد ودايما تربطيه
لا الاحسن فكيه وسبيه فالهوا
بجد يا بنات جربى النصايح دى مش هتخسرى ده لانى مجرباها والله
ولو عرفت حاجات جديده هقولهالكم