مثلما كلنا نعرف ان أدوات المكياج تتعرض لعوامل تلوث عديدة مثل الهواء الخارجي ، العلب والشنط اللي نحط فيها الفرش والاسفنجات واللي بالعادة تختلط مع ادوات ثانية ، المكياج نفسه اللي يتعرض للهواء ، وبشرتنا اللي تكون عليها بعض البكتيريا والاوساخ ولما نستخدم عليها الفرشاة او الاسفنجة تتلوث .
حبيت اعرض عليكم طريقه جيده لغسل فرش واسفنجات المكياج عشان نحافظ عليها نظيفة وبالتالي نحافظ على بشرتنا
الادوات
الفرش والاسفنجات اللي تبين تغسليها
شامبو شعر او غسول وجه (عادي اي نوع )
( لأنه فيهم مواد كيماوية اقل من صابون الغسيل او الصابون العادي وبالتالي ما يخرب الفرش والاسفنجات مع كثرة الغسل)
بلسم الشعر (عادي اي نوع)
الطريقة
تجيبين وعاء عميق تحطين فيه ماي وتخلطي معاه الشامبو
تحطين الفرش والاسفنجات بالوعاء وتفركيهم شوي وتخليهم تقريبا لخمس دقائق
تكبين الماي وتحطي شامبو زيادة على الفرش والاسفنجات وتفركيهم بإيدك وبعدين تحيطهم تحت حنفية الماي وتفركي عدل لحد ما تشوفي كل الوسخ والميكب طلع منهم
بالنسبة للفرش افركي بس بدون ما تعرضيهم للتلف والاسفنجات اعصريهم تحت الماي عشان يطلع كل الوسخ
اللحين بعدما غسلتيهم تماما تعصريهم وتجيبي البلسم وتحطي عليهم