اول مره شافها فيها........
كوكو:تتجوزيني؟
سمسمه:أفندم؟
كوكو:بقولك تتجوزيني؟
سمسمه:لأ طبعا!
كوكو:ليه بقى؟
سمسمه:بصراحة كدة شكلك مش عاجبني..
كوكو:إزاي يعني؟
سمسمه:أصل أنا ليا مواصفات معينة لفارس أحلامي.
كوكو:مواصفات معينة؟..هو انتي هتتجوزي عربية؟
*****

و بعدها بسنه....
كوكو:تتجوزيني ؟
سمسمه:إيه ده؟ شكلك اتغير!
كوكو:إيه رأيك ؟
سمسمه:حلو النيو لوك ده..شعرك بقة ناعم!
كوكو:دي باروكه
سمسمه:ودي عدسات خضراء ؟
كوكو:أيوة
سمسمه:بس بجد .. بقيت وسيم .. بقيت شبه نيكولاس كيج !
كوكو:مين بنكرياس كيج ده ؟
سمسمه:بنكرياس ؟!! ياي ..ده انت مش ستايل خالص..
كوكو:ستايل دي تبقى شتيمه ؟
*****

و بعدها بسنه كمان....
كوكو:تتجوزيني ؟
سمسمه:عندك عربية موديل كام ؟
كوكو:موديل دي تبقى شتيمة ؟
*****

كمان سنه....
كوكو:تتجوزيني ؟
سمسمه:قوللي الأول .. حاطط أنهي نغمة عالموبايل ؟
كوكو:موبايل دي تبقى شتيمة ؟
*****

.....سنه.....
كوكو:تتجوزيني ؟
سمسمه:ما قلتليش .. إنت بتشتغل إيه ؟
كوكو:أنا -بلا فخر- عاطل
سمسمه:عاطل ؟
كوكو:مش أحسن من اللي ما بيشتغلش ؟
*****

....................
كوكو:تتجوزيني ؟
سمسمه:لقيت شغل ؟
كوكو:أيوة طبعًا .. سنتين وأنا بادور .. أخيرًا لقيت
سمسمه:وإيه هو ؟
كوكو:سواق تاكسي
سمسمه:ياي !
كوكو:ياي دي تبقى شتيمه ؟
*****

مش فاكر بعدها بأد ايه....
كوكو:تتجوزيني ؟
سمسمه:جمعت مبلغ كويس ؟
كوكو:طبعًا .. مبلغ كبير جدًا
سمسمه:قد إيه يعني ؟
كوكو:ألف جنيه
سمسمه:نعم ؟!!!
كوكو:يعني موافقة ؟
سمسمه:بقولك ايه..شيل الموضوع ده من دماغك و خليك فريش
كوكو:فريش دي تبقى شتيمه ؟
*****

انتو معايه ولا نمتو ؟؟؟؟؟
كوكو:تتجوزيني ؟
سمسمه:عندك شقة ؟
كوكو:طبعًا .. أودة على السطوح
سمسمه:نعم ؟!!
كوكو:إيه المشكلة ؟! .. أحسن ما ننام في الشارع !
سمسمه:في الشارع ؟!
كوكو:وكلها كام سنة وأجيبلك أحسن شقة في الدنيا
سمسمه:بس اعمل حسابك...انا عايزه شقه تكون فانتاستيك
كوكو:فانتاستيك دي تبقى شتيمه ؟
*****

و اللة ما انا فاكر بعدها بكام سنة
كوكو:تتجوزيني ؟
سمسمه:جبت الشقة ؟
كوكو:أيوة...خدت شقه في مساكن الزلزال
سمسمه:نعم ؟!!
كوكو:بس ما فيهاش حمام
*****

كوكو:تتجوزيني ؟
سمسمه:إنت تاني ؟
كوكو:جبتلك حمّام إنما إيه
سمسمه:خليه ينفعك
كوكو:خلاص...هاكتبه باسمك!!!
*****

بعد سنين....
كوكو:هتتجوزيني ولا أولع فيكي ؟
سمسمه:ومالك محروق كدة ؟
كوكو:ماهو حكايتنا طولت قوي .. طولت أكتر من اللازم
سمسمه:إنت ليه متمسك بيا أوي كدة يا ميزو؟
كوكو:أصل .. أصل ..
سمسمه:أصل إيه ؟
كوكو:أصل أنا بحبك
سمسمه:بحبك ؟!! اسمها يا جاهل اي لاف يو
كوكو: اي لاف يو دي تبقى شتيمة ؟
*****

بعدها بسنين تانيه......
كوكو:تتجوزيني ؟
سمسمه:أنا بصراحة .. مش شايفة إن في حد في العالم يستاهلني
كوكو:يا سلام ! .. ليه ؟
سمسمه:عشان أنا جميلة .. دمي خفيف .. رشيقة .. رقيقة
كوكو:رقيقة ؟! .. ده انت بدأتي تقشفي
سمسمه:فشر !
كوكو:فوقي لنفسك .. العمر بيجري
سمسمه:أنا مصرة على رأيي
كوكو:يعني إيه ؟
سمسمه:يعني اقطع معايا
كوكو:بعد كل السنين دي ؟! .. بعد كل الحب ده ؟!!
سمسمه:بقولك ايه..بلاش تراجيديا
كوكو:تراجيديا دي تبقى شتيمة ؟
*****

بعد سنين أكتر من اللي فاتو ....
كوكو:تتجوشيني ؟
سمسمه:إيه ؟
كوكو:تتجوشييينييييييي ؟
سمسمه:إنت مين ؟
كوكو:أنا حبيبك يا هبلة .. البشي النضارة عشان تشوفيني
سمسمه:أشلي مش شايفاها
كوكو:ماهي قدامك على الترابيزة
سمسمه:أنا لزيزه ؟!!
كوكو:على الترابيييييييييزه
سمسمه:أيوة لقيتها
كوكو:البشيها بقة
سمسمه:ططييبب
كوكو:عينيكي فوق شوية يا سماسم .. ده بقك ..
سمسمه:طيب لبشهالي إنت
كوكو:عقبال ما البشك الدبلة
سمسمه:ما تكشفنيش يا ميشو بقي .. كنت بتقول إيه بقى ؟
كوكو:كنت بقول تتجوشينيي ؟
سمسمه:أكوشك ؟ .. إزاي ؟
كوكو:يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
سمسمه:شيبني أفكر
كوكو:أفكر دي تبقى شتيمه ؟!!
*****

على فراش الموت......
كوكو:تـ…كوح..تتـ..كوح كاح..تتكو..كوح..تتكوشـ..كوح كوح..يني ؟
سمسمه:مش شامعة
كوكو:هـ..و..ه..كوح كاح ..هوه إنتي..كوح..معرفتيـ..ش..كوح
سمسمه:إيه ؟
كوكو:لا.. كوح..أبدًا .. كوح .. كنت … كح كح .. بأكح
سمسمه:بتكح ؟!!!! .. شلامتك .. ما قلتليش ليه ؟
كوكو:هو .. كوح .. إنتي .. لشة .. عارفـ .. ـة .. كوح كوح
سمسمه:بتقول إيه ؟
كوكو:قو..كوح..لتي..كيح..ايه..يا..كوح..ولية..تتـ..ج و..شيـ..نـي ؟
سمسمه:أجوشك ؟!! .. طب بش خد الدوا الأول
كوكو:يا وليـ .. ـة..كوح..مش..كوح..وقته..كوح
سمسمه:موافقة .. موافقة يا حاج..
كوكو:أخيـ..راااااً..كوح..كدة...أموت..كوح..وأنا..كو ح...مرتاااااااح
سمسمه:مرتاح دي تبقى شتيمه ؟؟؟؟؟؟؟؟؟!!!!!!!!!!!!!

الموضوع الاصلى : قصة لذيذه جداااا      المصدر : منتديات زهقان     الكاتب : تامر عاشور