حوادِث كوارث

حوادِث كوارث بتِحْصَل يومـاتي ...........
................... بواخِر بتِغـْرق بتِقـْتِل عديد
وأسفلت أصبح يهدِد حياتي ..................
........... وقطر انحرف عن قضيبُه الحديد
وأصبحْت عارف وسيلة مماتي ............
............. بقطر الضواحي وقطر الصعيد
ومن خوفي باغرق ف صمتي وسكاتي ....
........... وحاسِس بإنُه مفيش يوم جديــــــد
ـــــــــــــــــــ
بقىَ العمر تافِه ملوش أي قيمه ..............
............ يضِيع في الحوادِث بدون اهتمام
ورُوح المواطن متسواش بهيمه ............
............. وعِد اللي ماتوا ف عام يبقوا كام
وأمنُه بقى موضه باليه وقديمه ..............
............... وحتى في مُوته ملوش احترام
برغم انُه مخلوق بقيمتُه الكريمه ............
........... ولو مات في حادِث فبيموت شهيد
ـــــــــــــــــــــ
يا سايق وماشي بسرعه ف طريق ..........
................. بتتخطـَّىَ غيرك وعايز تطير
لا تِمشِي بسرعه قوي أو بطيء ..............
............. ولو كان طريق كله زي الحرير
وخلـِّي السلوك يبقىَ راقي ورقيق ..........
............... لأن السفاله تكون من حقير
ومتسوقش تايه كأنك ضرير .............
....... وإعمِل حساب اللي جاي من بعيد
ـــــــــــــــــــــــ
يا قاعد بتحرُس مكان مزلقان ............
............. تسيب ليه مكانك بدون اهتمام
وديزل بسرعه يعدِّي المكان ..............
.......... فتحصل حوادِث ويحصل صِدَام
وليه تِبقى مُهمِل وندل وجبان .............
............ وراح فين ضميرك وفين لِلتِزام
دا إنتَ وظيفتك عشان الأمان .............
................ ولو نِمْت فيها كوارث تزيد
ـــــــــــــــــــ
وهيئة سِكـَك فيها واحد رئيس ............
.............. بيرْأس حوالي دشِليون مدير
تشوفهُم تقول دوُل شوية ناموس .........
........... وإنتاج عملهُم هزيل موش كتير
وكام قطر فيها مِنَخْوَّر بسوس ............
............. ومنهم عدد مش بيقـْدَر يسير
ولو قطر ماشي يجيلك كابوس ...........
............بإن البشر تحت عَجَلـُه الحديد

الموضوع الاصلى : حوادث كوارث       المصدر : منتديات زهقان     الكاتب : حلم السنين