قانون الطوابير :

إذا وقفت في طابور بطيء وقمت غيرته، طابورك اللي غيرته فجأة تلاقيه يمشي أسرع من اللي انت فيه
(هو يعنى كان لازم اغير دلوقتى حبكت يعنى ما كنت صبرت شويه)

قانون التليفون :

عمرك ما تتصل برقم غلط ويطلع مشغول
(قال يعنى الناس كلها فاضيه)
قانون التصليح :

بعد ما إيدك تتزيت وتتوسخ من الشحم من الماكينة، مناخيرك تبدأ تاكلك
(ماهيا محلوتش غير دلوقتى طيب استنى ياختى لما اغسل ايدى)
قانون المعدات :

إذا وقع من إيدك أي حاجه، تأكد انه بيفضل يتـدحرج لغايه ما يوصل لألعن مكان متقدرش تطلعه منه
(قليل البخت بيلاقى العضم فى الكرشه)
قانون الأعذار :

إذا تأخرت عن الشغل وقلت لرئيسك أن كان الكاوتش مخروم، اليوم اللي بعده يتخرم الكاوتش بجد
(الكدب ملوش رجلين )
قانون حمام السباحة:

بس تحط جسمك في الميه، يبدأ التلفون يرررررن وما يسكتش
(يعنى يا ولود الل....... مكنتوش عارفين تستنوا لما اخلص)
قانون الالكترونيات :

إذا أخذت جهاز علشان تصلحه وعايز توريه انه ما بيشتغلش، وقتها يشتغل أحلى كلام
(الاحراج وحش اوى انت شكلك بقى زباله)
قانون السينما :

اللي حاجزين كراسي في النص لازم يجوا آخر ناس ويدوسوا على رجلك
(ماهيا ناقصاكم بقى )
قانون القهوة :

أول مايجيلك فنجان القهوة سخن، يجي رئيسك ويديك حاجه تتنيل تشتغلها مش هتخلص إلا لما تبرد قهوتك
(محلوش الشغل غير دلوقتى ياخويا)
قانون المصادفات :

إذا كنت مع واحد أو واحدة وموش عاوز حد يشوفك معاهم، فجأة كل اللي تعرفهم يطلعوا من كل مكان
(هما بيطلعوا منين الناس دى)
قانون الأقساط :

إذا عندك عربيه أو أي حاجه بالقسط،،، مجرد ما تخلص الأقساط تبوظ وتلعن ابو الساعه اللى اشتريتها فيها
(صحيح الدنيا حظوظ انا ايه اللى ورطنى بس)
قانون الزواج :

بعد شهرين من جوازك ... يسألوك ها مافيش حاجة جاية في السكة ؟؟؟
(هوا احنا لسه لحقنا يا بنى أدمين )
قانون المرتب :

آخر الشهر لازم كل العزايم والهدايا والطلبات تزيد
(طيب ياختى استنى لاول الشهر ما يجى )
قانون الطقس :

لازم بنهاية الأسبوع وانت متحمس بتطلع للحدائق أو تروح البحر
مع الصبح يبقي الجو هوى وتراب وحر ورطوبه بمعنى تاني الفصول الاربعه في يوم واحد
(ما قدامك الاسبوع كله ولا حبكت بس انا جيت اخرج)
و أخيرا قانون البحث :

إذا حبيت تدور على شي معين(موش حتلاقيه).... مع إنك كنت كل يوم بتشوفه


(يلا بقى هنقعد ندور كده كتير)
مستني ردودكم