اقـــــــــــــــرار

اقر انا المذكور بعاليه انه بداية من يوم الاربعاء الموافق 30/3/2011
سيتم تطبيق السياسة الاتية على حياتى



قررت الاعتراف بكل واقع حياتى لنفسى......اعترف ان حجم
الفشل فى حياتى يعادل حجم سلسة جبال البحر الاحمر....وحجم
الاخطاء فى حياتى لاتقل عن فشلى ضخامة




اعترف انى احتاج الكثير من الاصلاحات فى هيكل حياتى
اعترف ان رضا النفس المزعوم اللذى اعيشه ماهو الا مكابرة
وفى الحقيقة انى يملئنى السخط على نفسى



اعترف ان ابتسامتى لم تكن غير مشهد فى مسلسل اجسد فيه دور
المقبل على الحياة وحتى افشل احيانا فى تمثيله فتبدو ابتسامتى بلا
اى معنى



قررت ان ابدأ وفورا فى كتابه كل سلبياتى وانظر الى ما كتبت
واسأل نفسى سؤال



اذا قدر لى المولى الحياه هل ارغب فى الاستمرار ببشاعه ما
سطرته يدى عنى ؟
اجابتى هي لا لا ارغب فى هذا
ماسطرته على الورق انسان سيئ جدا لا ارغب فيه كصديق او
كأخ او كأب فهل ارغب فيه لنفسى



الان انا وضعت يدى على سلبياتى نعم الامر صعب الامر غاية
فى الصعوبة.... انا وللاسف احب فعل هذه السلبيات كم مرة
قررت ان اتغير وفشلت كم مرة اقسمت الا اعود وها انا هنا


ولكنى الان اعرف من احارب ....احارب نفسى
شيطانى اضعف من ان يقف فى طريق حماستى ولكن نفسى
تجذبنى معها الى الاسفل الى الاعماق
وأنا اسبح ضد التيار الامر مرهق لا محاله



ولكنى استحق .... استحق ان اتعب من اجلى.. انا اشعر ان خلف
كل هذا انسان رائع اراه بداخلى
بعيدا جدا ولكنى اراه وانا هذه المرة عازم على استخراجه ليكون
من يمثلنى فى ما تبقى من عمرى



هذه المرة ليست كغيرها ساترك مقعدى فى مدرجات الفاشلين الى
الابد ضعف نفسى لن يستوقفنى هذه المرة كفانى ماضاع من
عمرى هبائا منثورا





من الان سيأخذ كل من له حق حقه منى ... ربى ثم امى وابى و
اخواتى و اقاربى و جيرانى و اصدقائى حتى نفسى التى احاربها
لن اتجاهلها بل ستأخذ حقها بما يرضاه لها ربى



الان سوف اضع لنفسى غاية واسير على خطى انقى وسيلة



الان سوف يصبح لى هدف احيا لاجله وسوف احققه مادمت احيا



ساتخلص من كل العادات السيئة ....الان وفورا اضع يدى على
علبه سجائرى وبكل ما املك من قوة وعزيمة واصرار وحماس
القى بها من نافذتى ...مهلا لقد رأيت هذا المشهد مسبقا مرات
عديدة القى بعلبة سجائرى واعزم الا اعود وفى اليوم التالى
استيقظ مبكرا واخرج لابحث اين القيتها وكلى امل انى سأجدها...
مرات اجدها ومرات لا اجدها واذهب لاشترى غيرها وتعود علبه
سجائرى معززة مكرمة بعد حبايه الشجاعة التى تناولتها امس
وجعلتنى القى بها



ولكن ليس هذه المرة ....انا املك ورقة رابحة وهى انى اريد و
اشتاق الى ان اتخلص من التدخين واعلم ما سيحدث ولن اجعله
يحدث ليس بعد الان





الان سأقطع كل علاقاتى بما يجعلنى أأتى ما حرم الله ولن
اعود.... لم افقد ادميتى بعد لتصبح المتحكمة هي شهوتى



الان وفورا سأغير مجرى حياتى لن يحدث وان اغفل حق الله
منى ... فروض صلواتى لن تهمل لن اكون موجودا فى منتداى
المفضل او موقعى المفضل او مع الشخص المفضل عندما اسمع
صوت يقول حى على الفلاح ....فهناك فقط هو الافضل



الان سأتوقف عن اللعب بمشاعر الاخرين ....سأتوقف عن قول
للابد وانا اعلم انى راحل... ساتوقف عن قول انا بجوارك وانا
سأتركها وحيدة .....من الان لن اقول احبك وانتظر الوقت
المناسب لاقول وداعا





قررت ان اتخلص من الكذب واختلاق الروايات للعزف على
عاطفة الاخرين قررت ان اكون صادقا مع نفسى ومع الناس



الوقت يمر الايام تمضى واخشى ان انظر فى يوم ورائى لأرى
انى قطعت من عمرى الكثير دون جدوى ...حاصل ما جمعته
صفر ....يداى فارغتان.... لايوجد فى حياتى ما احكيه لاولادى
واحفادى ..... انظر حولى واكتشف ان مازرعته فى حياتى كانت
اشواك تخرج من بين ثنايا صخور





ودلوقتى



انا كتبت ده وهعمل باللى فيه مين عايز يبدأ معايا ؟؟؟؟؟
نشجع بعض نتفق مع بعض فى الصفحة دى انى هتغير كل واحد فينا عنده سلبيات واخطاء بيتمنى يتخلص منها ...



ولو اصريت حالا انك تغير ده وتعالج سلبياتك ونبدأ مع بعض ربنا هيفرح بينا اوى ويساعدنا وياخد بأدينا



مش مطلوب منك تكتب سلبيات كل واحد فينا يحتفظ بسلبياته جواه وعلى ورقته بس يعلن استعداده للتغير
ويكون عنده ارادة لده بجد



ولو شايف انك راضى على نفسك يبقى تدعيلنا بالتوفيق والثبات



هنبقى زى محنا بنهزر ونلعب وترمى البطيخ على العضو اللى
يريحك وتصحى العضواللى قبلك وتطلب وتتمنى وكل حاجة مرحة
بنعملها هتستمر مش مطلوب منك تبقى كئيب وتقول انا بقيت جد
واتغيرت وحواجبك تقابل بعضها من التكشيرة ساعتها هولع فيك انا
بنفسى



اهتم بسلبياتك اهتم انك تغير هيكل حياتك مش ديكورات حياتك



انا بدأت فى ده انا من دلوقتى انسان غير مدخن ومبسبش فرض
ومبعملش اللى ربنا حرمه ومبكدبش ومهتم بابويا وامى واهلى
واصدقائى وقرايبى وكل حد ليه حق عندى عامل جدول ومنسق
وقتى بشكل جميل عايز حد يساعدنى وينضم



ولو مش هينضم يبقى دعوة بالثبات هنكون محتاجنها جدا منك