بسم الله الرحمن الرحيم



الأغنية لحنتها أصالة بنفسها ووزعها حسين النجار وكتب كلماتها رامي نصرى ،
وهي تخاطب من خلالها الرئيس السوري بشار الأسد وتقول كلمات الأغنية:
آه لو هالكرسي بيحكي ...
كان بيصرخ كان بيشكي ...
وبيتأفأف وبيتلوع ويمكن حتى ينوح ويبكي ...
هالكرسي عايف أفطاسه ...
ما حدا عم بيعبي راسه ...
وكله بيتغنى بإحساسه ...
وبالحقيقة كله بيحكي ...
هالكرسي بيعمل عمايل بيعمل للأصلع جدايل ...
بيخفي لصحابه الرزايل ...
بركي بيصحوا مرة بركي ...
عالكرسي صاحب معالي ...
سيفه على شعبه بيلالي ...
وبيعمل حاله نضالي ...
وبالمخفي عم يشرب وسكي ...
واللي بيقعد ما بيتزحزح ...
ما بيتحرك ما بيتلحلح ...
وبأحلامه بيطير بيشطح ...
وبيقلك هالكرسي ملكي ...
ما بيتنازل عنه أبداً ...
ما بيتخلى عنه أبداً ...
وبيتمنى يضلو أبداً مع أنو ما بيعرف يحكي ...
هالكرسي بطل يتحمل ...
والباشا كل ماله بيتقل ...
ولما الكرسي قالو ارحل ...
صار الباشا ينوح ويبكي ...
آه لما الكرسي بيحكي ...

ثم فى آخر الأغنية تستكملها بموال ... كل الكراسى تكسرت ...

كل الكراسي تكسرت ...
من دروسك تعلم ...
كل العلم ما بينفعك ...
والشعب بطل يسمعك ...
وكل القتل ما بينفعك ...
كان فيك تتعلم ...
سكتنا كتير عالظلم ...
لا تقول ما عندك علم ...
لما الجرح علم ...
بدي بصراحة انصحك ...
تبقى ما رح تزبط معك ...
لك روح وتعلم ...
شفلك حدا بيرضى القهر ...
ناسى الكرامة من دهر ...
نحن انقهرنا والقهر ...
خلانا نتعلم ...

الموضوع الاصلى : كلمات أغنية أصالة " آه لو هالكرسى بيحكى " ضد نظام بشار الأسد      المصدر : منتديات زهقان     الكاتب : كرومبو

تسلم ايدك

الموضوع الاصلى : كلمات أغنية أصالة " آه لو هالكرسى بيحكى " ضد نظام بشار الأسد      المصدر : منتديات زهقان     الكاتب : احمد متعب